Rusiyada fabrik işçilərinə milyonlarla rubl maaş köçürdü - Sonra isə...
Rusiyanın Çelyabinsk vilayətində maraqlı hadisə baş verib.
Xeberlent.az xarici KİV-ə istinadən xəbər verir ki, vilayətin eyniadlı şəhərində fabrik səhvən işçilərə milyonlarla rubl dəyərində maaş verib.
"Adi 50-80 min rubl əvəzinə şirkətin işçiləri maaş kartlarında beş-səkkiz milyon rubl (131 168 AZN) alıblar", - yerli mətbuat yazıb.
Çox keçməyib ki, fabrik səhvini anlayıb və işçilərinə üzr mesajı göndərib. Bununla yanaşı, bəzi işçilər maaşdan əlavə köçürülən vəsaiti qaytarmayacağını bildiriblər.
Fabrik rəhbəri vəkilə müraciət edib. Artıq vəsaiti qaytarmayan işçilər məhkəməyə verilib.
