Həkimlər Azər Baxşəliyevin ürəyinin fəaliyyətini bərpa etdi - YENİLƏNİB

Həkimlər aktyor Azər Baxşəliyevin ürəyinin fəaliyyətini bərpa edib, süni tənəffüs aparatına qoşulub.

Xeberlent.az xəbər verir ki, bu barədə ATU-nun Mətbuat katibi Günel Aslanova deyib. 

Onun sözlərinə görə, bir müddət öncə Azər Baxşəliyevin ürək fəaliyyəti dayanıb: "Həkimlərin səyi nəticəsində ürək fəaliyyəti bərpa olunub. Xəstə süni tənəffüs aparatına qoşulub. Vəziyyəti həddən artıq ağır kritik olaraq qalır".

Qeyd edək ki, böyrək çatışmazlığından əziyyət çəkən Azər Baxşəliyev dünən günorta vaxtı koma vəziyyətində xəstəxanaya çatdırılıb. Bu gün xəstəxana onun ölümü ilə bağlı xəbər yayıb. Daha sonra isə həkimlərin səyi ilə ürək fəaliyyətinin bərpa olunduğunu, süni tənəffüs aparatına qoşulduğunu açıqlayan ikinci məlumatı yayıb.

***

Aktyor Azər Baxşəliyev vəfat edib.

Xeberlent.az-ın əldə etdiyi məlumata görə, aktyor böyrək çatışmazlığından əziyyət çəkirdi. O, uzun müddətdir böyrəkköçürmə əməliyyatı üçün donor axtarırdı. 

A.Baxşəliyev daha çox "Ağsaqqal" obrazı ilə sevilib.