Əfqan Sadıqovun şikayəti təmin edilmədi
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən "Azel TV" saytının təsisçisi Əfqan Sadıqovun şikayətini təmin etməyib.
Xeberlent.az xəbər verir ki, Ə.Sadıqovun həyat yoldaşı Sevinc Sadıqovanın verdiyi məlumata görə, bu, Gürcüstanda bu iş üzrə qərar çıxaran sonuncu məhkəmədir.
Öz növbəsində vəkil Mariam Kvelaşvili "Turan" agentliyinə bildirib ki, müdafiə tərəfi Əfqan Sadıqovun ekstradisiyasının qarşısını almaq üçün hüquqi addımları davam etdirəcək.
Gürcüstan hakimiyyəti Sadıqova siyasi sığınacaq verməkdən imtina edib. Noyabrın 28-də Tbilisi Şəhər Məhkəməsi Əfqan Sadıqovun Azərbaycana ekstradisiyası barədə qərar qəbul edib.
