Özbəkistan Rusiyaya bəzi uçuşları dayandırır
Özbəkistanın Qanot Şərq aviaşirkəti Moskvanın Domodedovo və Sankt-Peterburqun Pulkovo hava limanlarına uçuşların sayını müvəqqəti azaldacaq.
Xeberlent.az xəbər verir ki, bu barədə şirkətin mətbuat xidməti "Telegram" kanalında məlumat yayıb.
Səmərqənd və Daşkənddən gələn bəzi aviaşirkətlər Moskvaya uçuşları dayandıracaq. Eyni qərar Namanqan, Fərqanə və Buxaradan gələn bir sıra təyyarələrə də aiddir.
Eyni zamanda, Qanot Şərq Səmərqənd və Namanqandan Sankt-Peterburqa uçuşların sayını azaldacaq. Bundan başqa, şirkət Səmərqənd və Daşkənd arasında bəzi reysləri ləğv etməyi planlaşdırır.
Yeniliklər yanvarın 20-dən martın 6-dək qüvvədə olacaq. Mütəxəssislər Airbus A320 təyyarələrinə planlı texniki xidmət göstərilməsi ilə əlaqədar uçuş cədvəlində dəyişikliklər edib.
