Gəncədə iki tələbə dəm qazından ZƏHƏRLƏNDİ
Gəncədə iki nəfər dəm qazından zəhərlənib.
Xeberlent.az-ın məlumatına görə, hadisə şəhərin Əhməd Cəmil küçəsində yerləşən bina evlərinin birində baş verib. 2006-cı il təvəllüdlü S.Məcidova və 2006-cı il təvəllüdlü N.Nərimanova zəhərlənmə diaqnozu ilə xəstəxanaya yerləşdiriliblər. Hər iki xəstəyə tibbi yardım edilib, vəziyyətlərinin kafi olduğu bildirilir. İlkin məlumata görə, hər iki şəxs yaşadıqları evin qonaq otağında dəm qazından zəhərləniblər. Qeyd edək ki S.Məcidova Ağdaş rayon, N.Nərimanova isə Şirvan şəhər sakinidir. Xatırladaq ki hər iki şəxs Gəncə Dövlət Universitetinin tələbəsidir.
Faktla bağlı araşdırma aparılır.
