Rusiya, Azərbaycan və İran görüşünün tarixi açıqlandı
İranın nəqliyyat naziri Fərzan Sadiq Rusiyanın nəqliyyat naziri Roman Starovoit ilə arasında video-görüş baş tutub.
Xeberlent.az “Vestnik Kavkaza”ya istinadən xəbər verir ki, tərəflər yanvarın 28-də Moskva, Bakı və Tehran arasında görüşün keçirilməsini müzakirə ediblər.
İclasda nazirlər Rəşt-Astara dəmir yolunun tikintisi üzrə texniki və icra işlərini müzakirə ediblər.
Həmçinin 2025-ci il üçün birgə əməkdaşlığa dair yol xəritəsinin korreksiyası və Şərqi Xəzər dənizindən istifadə sahəsində əməkdaşlıq məsələləri müzakirə edilib.
Bundan əlavə, Rusiya, Azərbaycan və İran arasında nəqliyyat sektorunda qarşıdan gələn üçtərəfli görüşə də toxunulub. Görüş yanvarın 28-də baş tutacaq, lakin yeri və hansı səviyyədə keçiriləcəyi dəqiqləşdirilməyib.
