Paşinyan sərhədlərin bərpası üçün 2 yol təklif etdi
"Hər iki variant bizim üçün məqbuldur".
Xeberlent.az xəbər verir ki, bunu Ermənistanın Baş naziri Nikol Paşinyan hökumətin növbəti iclasında deyib.
Baş nazir sərhərlərin bərpası üçün 2 yol təklif edib: "Biz hətta bu variantla razıyıq: sərhəd xəttini hətta bölgə-bölgə bərpa etmək, sonra bərpa olunan sərhəd xəttinə uyğun olaraq qoşunların yerləşdirilməsini tənzimləmək və növbəti hissəyə keçmək. Növbəti mərhələdə isə eksklav məsələləri. Yəni iki variant var: birincisi, bütün sərhəd boyu demarkasiyanı həyata keçirmək və onun icrasına keçmək, ikincisi, sərhədi hissələrə bölmək və hissə-hissə demarkasiya ilə irəliləmək".
