Şəhid polkovnik-leytenant Raquf Orucovun 50 illik yubileyi qeyd olunub - FOTO

Aprel döyüşlərində şəhid olan polkovnik-leytenant, əfsanəvi kəşfiyyatçı Raquf Orucovun 50 illik yubileyi münasibətilə Ağdamda tədbir təşkil olunub.

"Xeberlent.az xəbər verir ki, Şahbulaqda keçirilən tədbirdə dövlət rəsmiləri, millət vəkilləri, media nümayəndələri, "ASAN" könüllülər, şəhidin yaxınları iştirak ediblər. 

Tədbirdə şəhid polkovnik-leytenantın həyat yolundan, hərbi sahədə göstərdiyi şücaətdən və qəhrəmanlığından bəhs olunub.
Əfsanəvi kəşfiyyatçının döyüş yoldaşları da tədbirdə çıxış ediblər. Şəhidin ailəsinə mənəvi dəyəri olan hədiyyələr təqdim olunub. 
Tədbirin davamı isə Raquf Orucovun komandiri olduğu "N" saylı hərbi hissədə keçirilib. Əsgərlərlə görüş keçirilib, Rəqəmsal İnkişaf və Nəqliyyat Nazirliyi tərəfindən əsgərlərə bayram sovqatları və hədiyyələr təqdim olunub. 
Daha sonra tədbir bədii hissə ilə davam etdirilib.